IES examda anisuba tarakhrabi Tulsipriya

Indian Economic Services ki Changyeng da India pumbagi oina anisuba tarakhiba (2nd Rank) Tulsipriya Rajkumari ga KANGLA Facebook Group ka wari watai oina sanajaduna wahang kharakhak hangjakhibada khumbirakpa wafamsing meeyamda khanghanjari. Kangla : Echangi tungi firep kari leibige? Tulsipriya : – Ahanbada ahall laman amadi eibu takpi tambirakpa oja-sing pumnamakpu nollukna khurumjari. Eina Economic Services ta changlaba matungda eina ngamjaba itikta iramdam Manipur gi oiba sarkarna economic policy sembada chaona saruk yajaningi. Sothariba Manipurgi economic/senmitlon fibhambu semgatpada angamba hotnajaningi. Kangla. Ngasi echan gi exam asi mai paknaba hotnabada kadai faouba hotnarakhibage? Tulsipriya : – Eigi laioikhraba idhou sanakhya purenbu amasung eibu tambirakpa ojasingbu eina ngasi maipakpagi toubimal utchaningi. Hotnaba kanba amadi discipline naina nongmagi pafam thokpa laairik paba-yengba asina khwaidagi maru oi haina khanjei. IES ki oina haijou hairagadi ei coaching loujakhide. JNU da M.Phil touna touna nongmada pung 10 gi chaangda tha mari leptana hotnakhi. Eigi marup mapang kayana eibu study material khomjinbada yaamna mateng paangbikhi. Kangla : Eramdamgi oina maipaklakpani khanjaraga echan na eramdamgidamak kari kari thabak thouram paikhatkey haina khanbibage ? Tulsipriya : Economic Services sina maru oina Economics ka mari leinaba thbak ngakta oibanina eina hiram asida Manipur amadi North east ki economic policy sembada eigi angamba saruk yajaningi. Khudongchaba fanglabadi maru oina eina henna thawai yaoujabadi Kanglei nupisingi chaokhat thouraangidamakta leiriba scheme mayamda oina thabak toujaningi. Houjik kangleicha kaya ama Civil Services ta Forest Services ta Universities ta fam achou achouba paairi. Mayam punna thamoi sengna hotnaminnaraga Eramdam (kangleipak) bu sak taakpana mayamgi tangnaifadraba thoudaangni haina thamjaningi. Kangla : Hourakliba maheiroi amadi naha oiribasingda kari paojel amadi paotak piningbage? Tulsipriya : Eigi wakhaldadi ishana paamjaba heijaba lambida inbibana tung koina kannagani haina thajajei. Pamjariba ningjaribaduda chap yungna leplaga thamoi sengna ishana ishada minamdana hotnarabadi maipakkani haibasi eigi achetpa thajabani. Aduga eina hourakliba nahasingda hangatchaningbadi eikhoina mafam kayada Kangleipak (Manipur) gi mapanda chaithoktuna leirabasu eikhoina touriba thabak khudingmakta eramdamgi kannaba kharata oirasu puraknaba hotnaminnashi.
--------------------------------------------------------------
KANGLA Facebook Group
kangleichasing.com